የሃይማኖት አባቶች

ሐዋርያው ዩሐንስ

Apostle John Symbol (ሐዋርያው ዩሐንስ አርማ)

ሐዋርያው ​​ዮሐንስ በአራቱም ወንጌላት ውስጥ ከ12ቱ ሐዋርያት ቀደምት ከተባሉት ከሶስቱ መካከል አንዱ እንደነበረ ይታወቃል። እሱና ወንድሙ ያዕቆብ ሁለቱም የገሊላ ዓሣ አጥማጆች የነበሩ ሲሆኑ ፡ ኢየሱስ “የነጎድጓድ ልጆች” እያለ ይጠራቸው ነበር። ዮሐንስ ለኢየሱስ ክርስቶስ ከመቅረቡ የተነሳ ፡ ጌታችን ለፈጸማቸው ብዙ ተአምራት የአይን ምስክር ነበር። በተለይም ጌታችን በደብረ ታቦር ተራራ አምላክነቱን ያሳየበት ተአምራዊ ለውጥን ካዩት ከሶስቱ ሃዋርያት አንዱ ​​ዮሐንስ ነበር። በጌተሰማኒ በአትክልቱ ስፍራ ክርስቶስ የተሰቃየውን ስቃይ ጨምሮ፡ እስከ ስቅለተ ሞቱ ድረስ ዮሐንስ አብሮት ነበረ።

ሐዋርያው ቶማስ

Apostle Thomas Symbol (የሃዋርያው ቶማስ አርማ)

ሐዋርያው ቶማስ ከአሥራ ሁለቱ የኢየሱስ ክርስቶስ ሐዋርያት አንዱ ነበር። በመጽሐፍ ቅዱስ ውስጥ ደግሞ ዲዲሞስ (ዮሐንስ 11 16፤ 20 24) እየተባለ ይጠራ ነበር። ዲዲሞስ ግሪክኛ ሲሆን ቶማስ ደግሞ የዕብራይስጥ ስም ነው። ሁለቱም ትርጉሞች "መንታ" ማለት ነው። በማቴዎስ፣ በማርቆስና በሉቃስ ወንጌሎች ውስጥ ቶማስ በሐዋርያት ዝርዝር ውስጥ ብቻ ነው የተጠቀሰው (ማቴዎስ 10 3፤ ማርቆስ 3 18፤ ሉቃ 6 15)። በዮሐንስ ወንጌል ውስጥ ቶማስ በሁለት ዋና ዋና አጋጣሚዎች ውስጥ ግንባር ቀደም ሚና ተጫውቷል።

ሐዋርያው እንድርያስ

Apostle Andrew (ሐዋርያው እንድርያስ አርማ)

ሐዋርያው እንድርያስ የስምዖን ጴጥሮስ ወንድም ነበረ። ወንድማማቾቹ እንድርያስና ጴጥሮስ ጌታ ኢየሱስን ለመከተል አንድ ላይ ነው የተጠሩት (ማቴ. 4፥18) ። መጽሐፍ ቅዱስ እንድርያስን ከአሥራ ሁለቱ ሐዋርያት አንዱ አድርጎ ሰይሞታል (ማቴ. 10፥2) ። እንደ ወንድሙ ጴጥሮስ ሁሉ እንድርያስም በገሊላ ባሕር ዓሣ አጥማጅ ነበር። ጴጥሮስና እንድርያስ መኖሪያቸው በገሊላ ሰሜናዊ ምዕራብ ዳርቻ በቤተ ሳይዳ ከተማ ነበር (ዮሐንስ 1 44) (ዮሐ. 12፥21) ።